VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

SERVIZOS SOCIAIS
Tres programas de Servizos Sociais reciben financiamento a través do Plan Concellos da Deputación
Tres dos programas que desenvolverá este ano o departamento de Servizos Sociais do Concello de Vilagarcía contarán cunha axuda da Deputación Provincial de Pontevedra para o seu financiamento. O organismo provincial vén de comunicar a concesións das axudas solicitadas dende Ravella para sufragar parte do custe de actividades de envellecemento activo, acompañamento familiar e prevención do ciberacoso. A suma das mesmas acada os 22.000 euros.

As subvencións foron solicitadas ao abeiro do Plan Concellos (POS 2018-2019) con cargo á liña 2 correspondente a financiamento con destino a gastos correntes.

A subvención de maior contía é a que se destina ao programa de acompañamento familiar para familias en risco de exclusión “Contigo, en familia” que recibe 13.000 euros dos 14.410 que custa. Para o proxecto “Actívate” destinado a favorecer o envellecemento activo das persoas maiores, concedéronse 6.000 euros dun orzamento total de 10.640. O último proxecto subvencionado é o de Prevención do ciberacoso e o bo uso das TIC’s, de nova creación este ano, que ten un custe de 3.974 euros e para o que se recibe unha axuda de 3.000.

< volver

+ titulares