OBRAS E SERVIZOS
Adxudicados os traballos de instalación do rego e renovación do céspede da Praza de España A Xunta de Goberno Local acordou o luns adxudicar os traballos de instalación de rego e renovación do céspede dos xardíns da Praza de España á empresa Mercantil Viveros O Piñeiro. A realización destes traballos terá un custe de 11.762 euros que se financiarán con cargo ao aval depositado no seu día pola empresa que executou a reforma da Praza de España, ao considerarse que o mal estado das zonas verdes debeuse á falta de mantemento que a firma estaba obrigada a realizar durante o primeiro ano, e que non fixo.
14.06.2018.- Os traballos poderán comezar tan pronto como a adxudicataria asine os contratos.
A instalación do sistema de rego ten un presuposto de 3.837 euros e a renovación do céspede, 7.925. Coa realización destes traballos mellorarase a drenaxe natural das zonas de terra do xardín, para evitar a acumulación de auga cando chove, e co sistema de rego evitarase que o céspede seque en verán.