VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
A fonte da Praza de Galicia ilumínase de azul para conmemorar o Día Nacional das Linguas de Signos
O Concello de Vilagarcía sumarase aos actos do Día Nacional das Linguas de Signos Españolas que se conmemora hoxe. Co obxectivo de facer partícipe á poboación facendo visible a importancia que estas linguas teñen para favorecer a integración e normalización das persoas xordas, as canles da Praza de Galicia iluminaranse esta noite de azul turquesa, a cor elixida para a conmemoración desta causa. Esta é so a primeira das accións colaborativas que a Área de Benestar levará a cabo coa Organización de Xordos de Galicia (Xoga), coa que xa se traballa noutras iniciativas.

14.06.2018.- Este será o primeiro ano que se conmemore o Día Nacional das Linguas de Signos Españolas, unha iniciativa que, segundo a Confederación Estatal de Persoas Xordas, supón un paso máis na súa promoción, protección e normalización e que se enmarca na lei 27/2007 na que se recoñecen as linguas de signos españolas.

A elección do 14 de xuño para conmemorar o Día Nacional das Linguas de Signos Españolas, débese a que nesa mesma data no ano 1936 se constituíu la CNSE, principal axente catalizador, xunto as súas federacións e asociacións, de aquelas iniciativas orientadas cara a conquista dos dereitos das persoas usuarias da lingua de signos española e a lingua de signos catalá. “Este feito contribúe á labor de visibilización da lingua de signos e a convertela nunha ferramenta imprescindible para a construción da igualdade, solidariedade e xustiza”, segundo a propia CNSE.

< volver

+ titulares