VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O Concello incorporará unha nova bolsa de estacionamento público en Marxión
Continuando coa política de habilitar novas zonas de aparcamento gratuíto para dar servizo á cidade, o Concello de Vilagarcía incorporará en breve unha nova bolsa en Marxión. O goberno local chegou a un acordo coa firma PROMARSA que cederá de xeito gratuíto ao Concello o uso temporal dunha finca na subida de Marxión para ser utilizada como estacionamento público. A propiedade ten unha superficie de 1.378 metros cadrados e sitúase nas inmediacións dos Xardíns Doutro Fleming e o colexio Anexo A Lomba, polo tanto, nun emprazamento perfecto para dar servizo ao centro urbano e con efectos disuasorios para o tráfico.

09.04.2018.- As xestións realizadas pola concelleira de Mobilidade con Promarsa pecháronse hai uns días co acordo que agora deberá recollerse documentalmente no convenio que xa están a redactar os servizos xurídicos do Concello.

De igual xeito que os anteriores convenios asinados para habilitar estacionamentos disuasorios como os do Piñeiriño, Carril ou A Torre, a cesión do uso dos terreos ao Concello é temporal e condicionada a súa utilización como aparcamento público. Como nos anteriores casos, o Concello será o encargado de acondicionar o espazo. A novidade respecto aos anteriores acordos é que, a diferenza destes, nos que o Concello compensaba aos propietarios cunha suma anual similar ao imposto do IBI, PROMARSA fai a cesión completamente de balde, xesto que o goberno local agradece publicamente en nome dos vilagarciáns que son os beneficiarios directos deste acordo.

< volver

+ titulares