VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

EDUCACIÓN
O “ColEborando” regresa esta semana para abordar a faceta educativa dos conflitos na infancia
O programa ColEborando, posto en marcha pola Concellería de Educación, regresa esta semana cunha sesión na que se abordará o papel educativo dos conflitos na infancia. A psicóloga clínica Ángeles Pombo, Técnico Responsable Área de Prevención do S.P.A.D. de Vilagarcía, será a encargada de impartir a sesión que leva por título “Conflitos infantís: Xogo de tronos” e que está dirixida a familias e educadores. A charla terá lugar o mércores, 21 de marzo, ás 20:00 horas na sala de conferencias do Auditorio.

19.03.2018.- A través desta charla, a psicóloga explicará que desde que nacemos, relacionarse significa compartir, coincidir nun espazo físico e coexistir cos membros da nosa familia, cada un coas súas diferentes características, gustos, emocións, intereses, etc. A familia é o primeiro espazo ou grupo social ao que pertence o neno/a e no que aprende a convivir. Polo tanto, a familia desempeña un papel primordial na educación e transmisión de valores, no desenvolvemento xeral (emocional, cognitivo, social) da persoa e na aprendizaxe para vivir na sociedade. Como todo espazo de convivencia xurdirán conflitos, loitas de poder, rivalidades, comparacións, envidia ou celos.

Na súa vida o neno/a ten que enfrontarse desde moi pequeno a diversas situación que supoñen alteracións no seu ambiente e requiren dun período de adaptación, como: primeiro día na gardería ou cole, traslado de domicilio ou colexio, falecemento dun familiar, ausencias dos pais, nacemento dun irmán ou irmá… O obxectivo desta charla é abordar este tipo de conflitos inevitables que os nenos/as teñen que afrontar e aprender a solucionar, aprendizaxe que resulta positivo posto que os conflitos formarán parte da vida cotiá na súa idade adulta.

< volver

+ titulares